News & Events

GBC DAY REPORT 2018


Thumasa: EBC Kumsim Khawmpi 32na, January 13-19, 1981, sung, Dorcas Hall, New Lamka a neihna ah “Eipau a Bible School hon ding” chih vote 198/81 in a ki passed hi. Huai kum, July 4, 1981, sun dak 11:00 in Board of Directors, malakna in Grace Bible College, honkhiakna, Dorcas Hall, New Lamka ah Rev. Lalngaisang in a nei hi. Tuni chiang in kum 37 vel a chingta a, GBC apan Bible zoukhia himhim 1356 a phata hi. Amaute lak a tamzaw EBC leh mun dang ah Pastor nna sem leh Missionary in a kuan uhi.
Membership hihna tuamtuam nei member 2,743 a om hi.

I. GBC DINSAN: Grace Bible College in dinsan a nei hi. Amah a thuneihna tawi a vaihawm leh nasem hilou in a dinsan sepsuahna ding a Saptuam heutute toh kithuzak gige ding ahi. A siat-a phat hun ah neitu, Evangelical Baptist Convention ahi. GBC dinsan hiai anuai ah i taklang ding uhi.

(i) Vision Statement: Grace Bible College in tup leh ngim a a phuankhiak tuh Pathian min thupina dinga ‘Khamangthangte it, sikha lungput nei, kingainiam heutu sekkhiak a, a hinna uh khalam a piching, a ginna ua Bible sinsak diktak zui leh a sepnamun mite tawndan toh kituak a nasep ding’ chih ahi.

(ii) Mission Statement: Pathian nasem dinga sap a om, numei-pasalte, Bible theihna, laisiamna leh khalam pichinna a thawpna ding a saptuam kithuahpih ahi. Hiai semzui ding in BOG, heutute, naupangte leh a zousate’n Jesu hinkhua leh a makaih dan zui a, ginna leh nasep gawm a, ginom leh ittak a Khrist thupiak gol a sepsuah ding ahi.

(iii) Core Value: Laisiangthou toh kituak a Pathian thutak sinsak ding chih mi tengteng in a theih a, a hinpih uh leh khamangthang man dinga a kuankhiak ding uh ka tup uh ahi. Huai ding in Motto, “Sinsak in, Kemsak in, Theihpih in” chih a zui hi.

II. TULEL GBC DINMUN: Tukum BOG term thak kipatna ahi. CEC in a teel member 9, Management Rule dungzui a Ex Officio member 4, nominated member 2 leh co-opted member 1, a vek a gawmkhawm 16 ahi. Tulela BOG member anuaia te ahi uhi.

Sln Name Designation
01 Upa Dr. J. Son Go Kham Chairman
02 Upa Ricky Vanlallawm Guite Vice Chairman
03 Rev. V. Khamvum Secretary
04 Dr. Upa N. Lalzagou Member
05 Upa M. Darneingam Member
06 Upa L. Vungzamuan Member
07 Mrs. Bliss Haubiakching Member
08 Upa V. Englian Member
09 Upa Dr. T. Nengkhanmang Member
10 Upa K. Vungzamawi Member
11 Upa Doulamthang Ngaihte Member
12 Mr. Siamzading Valte Member
13 Upa L. Pumkhanpau Member
14 Rev. V. Thangkhangin Ex-Officio
15 Rev. Paukhanmang Guite Ex-Officio
16 Rev. Ginmalsawm Ex-Officio

 

III. SEMTUTE DINMUN: GBC in Admission kum khat a nihvei a neih, 2017 apan khatvei lak ahita. Kum teng in July kha in Admission lak ahi. Kum khat a khatvei Admission kihon ziak in Course tuamtuam sin ut om seuhseuh a, kithalawphuai hi. Hiai paidan thak toh kituak ding in Curriculum leh syllabus lepthakna zoh ahita hi. Tulel in GBC ah semtu hiai bang om hi: (i) EBC Regular Workers- 8; (ii) College in a vak semtu- 12, (iii) Office staff EBC sawl- 5, a vek a gawmkhawm-25 ahi. Amaute thumna ah phawk chiat ding in Saptuamte nget na hi uhi.

IV. GBC MEMBERSHIP DINMUN: GBC neitu EBC Saptuam banah College a inntek pente Patron memberte ahi. Hun bangchik a kipan hiam in membership lam hong awlpai deuh a theih ahi. Tuni a saptuamte’n bang lam ah pantheihna om hiam chi a thanuam tak a pan lathak siausiau ding in k’on ngen uhi. Member dinmun leh hihtheihnate hiai bang ahi:

Sln

Member hihtheihnate

Thilpiak ding zah

Member omlel

01

Special Patron Member

Rs 10,000, a tung

159

02

Group Patron

Rs   5,000, a tung

105

03

Individual Patron

Rs   2,000, a tung

1,439

04

Life member

Rs   1,000, a tung

613

05

Memorial/Anniversary

Rs      500, a tung

389

06

Annual member

   Rs      100.00

38

 

 

A vek a Gawm

2,743


V. GBC GRADUATES: Grace Bible College patchil a kipan Commencement Service 36vei kineita hi. Tukum December 5, 2018, a Graduation Service neih ding a 37na ahi. Graduation Service 36 kineihna a GBC in degree a piakkhiakte hiai bang ahi:

1. Certificate of Theology (C.Th) 81
2. Graduate of Theology (G. Th.) 73
3. Diploma of Theology (Dip. Th) 58
4. Bachelor of Theology (B. Th) 386
5. Bachelor of Biblical Studies (BBS) 1
6. Master of Divinity (M.Div) 311
7. Master of Theological Studies (MTS) 10
8. Master of Ministry (M. Min) 1
9. Ministerial Training Course (MTC) 424
10. Training Certificate Awarded 11
A gawm in 1356

VI. TULEL A GBC A NAUPANG OMDAN: Kumlui, 2017, July Fall Semester ah Naupang 180 vel hong pha a, naupang tampen kum a chiamteh ahi. Kumlui a zou mi 30 a om ua, amau tellou in tulel a Naupang neihdan hiai bang ahi:

Sln

Name of Classes

No. of Students

Remarks

01

Master of Divinity (M.Div)

60

 

02

Bachelor of Theology (B.Th)

81

 

03

Diploma in Theology (Dip.Th)

18

 

 

Total

159

Day Scholar= 71

04

Boys Hosteller

61

 

05

Girls’ Hosteller

27

Total= 88 ahi.

Semester teng in a zouthak om zel ua, May, 2018 in naupang 37 in zou uhi. Naupang hong lut non ding 121 om uhi. Naupang honpe zel Pathian tung ah kipahna a lian hi.

VII. NAUPANG CHAWMNA: Saptuam pumpi pangkhawm a ‘Naupang chawmna’, kumlui a i pat uh a lohching zel hi. Tuni tan in naupang chawm, Zanga (`500) tunglam khateng a pia mi 374 phata hi. Hun kallak ah naupang chawmna mangngilh khak theih luat ahi. A na mangngilh kha i om zenzen leh kisa thak ding in i kichial uhi. Naupang chawmtu tamsem om henla, Mission Fieldte a tuailai piangthak, 10/20 chawm thei lehang a zoh chiang ua amau field chiat a kiknawn a nna a sep chiang un bangzah in a gahsuah ding uam chih i ngaihtuah leh Missions nasepna gahsuah zaw ding GBC ah pattheih hon chisak hi.

IV. NAUPANGTE ACADEMIC PUAHHOIHNA: College kaisung in heutu leh naupangte’n free internet zang uhi. Hiai pansan a naupangte’n assignment leh lai pawimohte heutute mail ah thonta ua, heutute’n naupangte mail ah thonkik uhi. Hiai in naupangte theihna a panpih kia hilou in chindan diklou midang laigelhsa teisawn khelhna (plagiarism) kipan kembit a, laigelh dan dik zuihna (footnotes, endnotes, bibliography zatna) hipah hi. Sum seng a assignment print chih omlou in a zangkhai deuhta hi. Mi laigelhsa byheart nawnlou in amau muhsuah dawnna a gelhta uhi.

V. LIBRARY PUAHHOIHNA: Library naktak a puahhoih ahi. Laibu 20,000 volumes vel kineita a, automation zong ki sem lellel hi. Laibu, dohkan leh chair leng tamtak behlap ahi. Library sung leh pua ah CCTV ki koih a, van leh laibute bitna ban ah naupangte laisimna panpihtu ahi. Numei leh pasal dohkan tuam a laisim ding in arrangement kibawl hi. Thesis gelh naupangte a ding in mun tuamdeuh ki bawlsak hi. Library a Computerte numei-pasal a ding room tuam tuak ah khen dingdan ngaihtuah ahi. Tukum in computer 3 kikoih beh a, computer 2/3 neihbeh a deihhuai hi.

VI. KITCHEN HALL IMPROVEMENT: Hostel siangthouna leh chidamna ngai poimawh in kumlui a kipan in sing a annhuan nonlou in Gas zang in annhuan ahita hi. Hostel a om naupangte discipline hoihsem ngimna in numeite amau building ah dining hall leh table kibawlsak a, pasalte’n anhuanin a dining hall mah a zanglai uhi. Tulel in hostel ah pasal 61 leh numei 27 naupang 88 ah a om uhi. Annek toh kisai in amau deih dandan la in bikhiah (limit) kibawl saklou hi. Kal khat in sa nih/thumvei kimeh sak hi. Naupang tengteng, inn a pan galkai omlou a, Hostel a kep vek kal ngaklah huai mahmah hi.

IV. GBC VISION 2050: GBC vision Statement, Mission Statement leh core value neihsate kiching lou chihna hilou in solkal paidan kikhek, sum leh pai saidan kikhek, thu thak leh a tuamtuam hong omzelte ah BOG in ‘GBC VISION, 2050’ bawlkhiak a sawm hi. Hiai vision 2050 statement, Framework leh a thutun dingte (components) tu in draft bawl ding in Sub-Committee kibawl a, amau June 2018, sung in draft hon zou ding ua, lamet ahi. Vision draft BOG in a pom zoh chiang in CEC phasakna ngetlai ding ahi. Hiai Vision tupte: (i) Sum leh pai kiningchinna, (ii) Siamsinna lungtunhuai, (iii) Inn leh lou kiching leh (iv) Ki vaihawmna hoihzaw chihte ahi.

Thukhitna: Pathian muanhuaina ziak in GBC Day 37na i zangthei ua, kipahna alian hi. College in a kallak in haksatna tuakzel mahleh Pathian in hon taisan kei hi. Naupang tamsem, inn leh lou kiningching zaw honpia hi. Vanzat hoihzaw in honthuam a, mailam muhkholhna hoihsem nei heutute honpia hi. Naupang laisiam, B.A., M.A., zousate honpia a Toupa gam a dia mi suanhuai ahi uhi. Mailam ah Pa Pathian in honpi dinga, College taksapte, a misiangthoute zang in honpe ding hi. Jorhat a Eastern Theological College Campus ah Auditorium, Hostel, Staff quarters leh building tuamtuamte mimal leh pawlpi kiphalte thohkhawm ahi. GBC pawimoh kigente misiangthoute’n awlmoh a hon piakkhawm hun chiang un GBC leng kiningching ding ahi.

Accredited by

Search

Address

Grace Bible College
P.O. Box 44
New Lamka - 795006
Churachandpur
Manipur, India
_____________________


Email: info@gracebiblecollege.in

Quick Contact