GBC DAY THUPUAK, 2013

Upa Dou Lamthang Ngaihte|Academic Dean, GBC & Partnership Facilitator

THUMASA:
Saptuam heutu masaten ngaihtuahna tampi seng in Bible School neih dingdan ngaihtuah in Toupa’ khebul ah thumna tampi ana zang uhi. Laisiangthou sinsakna a khan-a, paidan diklou leh sinsakna diklou apan a i Saptuam i kikep siangthouna ding in Laisiangthou sinna poimawh mahmah hi. Tua ahihmanin July 04, 1981 Dorcas Hall huangsung ah, Rev. Lalngaisang in honna leh siansuahna ana nei hi. Huchin, Dorcas Hall sawng nuai ah Certificate of Theology (C. Th.) leh Graduate of Theology (G. Th.) i local dialect a sinna kipan hi.

ASIA THEOLOGICAL ASSOCIATION (ATA) POMNA:
December 7, 1991 ni in Grace Bible College mun leh mual ding in tu-a imun uh kilei khia a, Rev. David G. Hornberger, Director of Missions, ECC in honkhiakna leh siansuahna nei hi. 1993 Fall Semester a pan Bachelor of Theology (B. Th.) Sinna ENGLISH in kipan hi. November 6, 1993 in mun thak ah Rev. T. Jam Khothang, Executive Secretary, ECC in latna leh honna a nei hi. Huchiin, Bible College pen Dorcas Hall apan in tu-a omna mun ah kisuan hi. 1992 in Basic Training Course (BTC), tua Ministerial Training Course (MTC) kipan hi. Hiai course bel saptuam kem upa leh a lunglut mite awlmohna a kipan ahi. Kum 1998, Fall Semester in M. Div. Degree tan, Asia Theological Association in hong pomsakta in, GBC graduate-te ATA in certificate hong piaksak uhi.

PATRON MEMBERS ANA HISATE:
Tulelin GBC patron membership tuamtuam ana lakhinsate anuai abang ahi uhi.

Tukum 2013 a kipan GBC a sintu, naupang hiai anuai a bang in om hi:

GBC FACULTY & STAFF:
Kum 2013 Spring Semester a kipan in GBC ah sinsaktu 12 leh non-teaching staff 11 om a, semtute anuaia bang ahi uhi.
Rev. Dr. Kamkhanthang Principal
Rev. Dr. V. Ginsianthang Vice Principal
Elder Dou Lamthang Ngaihte Academic Dean
Mr. Pauthianmuang Dean of Students
Mr. T. Damkhothang Warden
Dr. Niangsangching Academic Dean Asst.
Dr. G. Suankhanhau Dean of Chapel
Mr. Lalchungnung Lecturer
Mr. Dina Chandra Lecturer
Mr. John Singh Lecturer
Mr. Paukhankhup Lecturer
Mrs. Khawlbiakching Lecturer

NON TEACHING STAFF:
Mr. Muansangluai Ngaihte Librarian
Mr. Chinkhenthang Guite Registrar
Miss Grace Ngaihvung MTC Coordinator
Upa K. Ngilzakhup Head Clerk & Accountant
Mrs. Manniang UDC
Mr. H. Chinsuanlal Computer Operator
Mr. V. Thanggoumang Library Asst.
Upa T. Ginzathang Janitor
Mr. Paulianthang Janitor
Mr. L. Paukhanmang Driver
Mr. G. Pauzalian Cook

GBC APAN GRADUATETE:

GBC APAN GRADUATETE SEPNATE:
Tuchiang in GBC apan amau sinna chiat zou a, mun tuam leh gam tuamtuam a Toupa’ gam nasem a kalsuan tampite’ ziak in Toupa min phat in om hen! Tulel in gam tuamtuam China, Bangladesh, Thailand, Bhutan, Tibet, Myanmar leh Nepal –te ah leh India sung Karbi -Anglong, Manipur, Punjab, leh Arunachal Pradesh te ah missionary nna sem in om uh hi. Tuate’ ban ah FMPB, IEM, OMF, MVM, YCLT leh SIM khawng ah Toupa nasem in tampi a kikhen uhi. Tuate banah, tu-a Pastor nasem lel lel 90% te GBC graduate-te ngen ahi uhi. Tulel in Mission Field thum (4) inei a Field Superintendent 2te GBC graduate ahi uhi. Amaute Rev. L. Khaikhansong, Manipur Field Superintendent leh Rev. T. Paukhanmang, Karbi Anglong, Field Superintendent. Tulel in EBC in Division sagih (7) inei a, tuate laka Divisional Superintendent nihte (2) GBC graduate hi uhi: Rev. Zalian Guite, Mizoram DS; Rev. Tuanglang, Thanlon DS; GBC graduate ahi uhi. Tua banah, tulel in Director thum (3) inei uh a, tuate laka mi khat (1) Rev. Kamchinkhup, GBC graduate ahi a, tulel a General Secretary of Evangelical Baptist Convention, Rev. S. Vungminthang, pen GBC graduate ahi.

Challenge/Chouna:
GBC atuna ding kimkhat zong tungnai lou hi. Biakna lam kia hilou a, i nam leh gam ading a (GBC potentiality) GBC hihtheihna, college tungtawn a hong piangkhia theite theichian/ muchian lehang GBC sponsor ut ilak ah tam mahmah ding ahi. GBC, i saptuam, inam- igam adinga a phattuamna ding zah a phatuam sak zounai lou ihi. Pastor sekkhiat na tan bel i tung zouta ua, hoih hi. Tua ahihleh, i Saptuam, i gam leh nam ading a GBC bangchi phattuam theih ding? GBC phattuam theih dingdan, anuai abang in gen leng ichi hi.

GBC ATA affiliated college ahi a, Bangaluru (Bangalore), Chennai (Madras), Kolkatta (Culcutta) leh mun tuam tuam a college tampite sangin sinsakna lam ah leh sum le pai seenna lamah GBC hoih zaw tham hi. Aziak, sum tawmchik bei a, leitung pumpi a zattheih M.Div. degree GBC tungtawna sintheih ahihmanin mundang sangin a phattuamna tampi om hi.
GBC ah tulel in Master of Divinity (M.Div.) chiang i sinsak hi. M.Div. ichih leitung siamsinna (secular degree) Master of Arts (M.A.) tawh kikim (equivalent) ahi hi. Himahleh, tulel a GBC i etkol zohna tan (standard) pen secular Bachelor of Arts (BA) sinsakna college-te tawh kikim in i enkai zoulel uhi. Secular M.A. kikimpih siamna (equivalent degree) sinsak mah lehang B.A. equivalent/standard in i enkol zou lel uhi. Tua ahihmanin, secular MA equivalent sinsak nading in GBC pen kong bangkim ah (e.g. infra-structure; Finance resource; Library resource; and Lecturers etc.) a dinmun (standard) dingtan a adintheih nading in, lamtouh ding tampitak omlai hi. Jubilee zangta mah lehang maban lampi saupi omlai hi.
GBC pen scholar sekkhiat theihna pumbuk ahi. Kum 100 Khristian ana hitamah lehang theological scholar, mite (quote) chiamteh tham ding, EBC sungah ki omnailou hi. Sahkhua lama “scholar” chi-a mite ettontham (quote) zuihtham leh chiamteh tham ding siamna neizou theological scholar ki omnailou lailai hi. Aziakte laka khat ahihleh, Laisiangthou sinna lam ah EBC in paidan mulmal ineihlouh man ahi hi. Bible zilten, Theological College khat peuh peuh ah isin (training) suk mai uhi. Laisiangthou sinna lam tawh kisai a, tu-a ipaidan lel in bel, Laisiangthou scholar, mite chiamteh tham, ki om baih nailou ding hi. Tua ahihmanin, Laisiangthou trainingna/sinsakna lam tawh kisai ah Saptuam in standard khat neih hun mahmah ta hi. Tua ding a kalbi masa ahihleh, GBC phungvuh ahi. GBC a degree i sinsakte, a degree (degree i piakte) kikimpih dinmun (equivalent standard) tannin enkol zouleng scholar, chiamtehtham kisek khiatna kalbi hong hipah ding hi. Tua ahihmanin, GBC adingin pan lathak ni.

Literature: M.Th. ichih chiang in (Specialised training) sintuambik nei-a kisinsakna ahi hi. Specialised study ah Thesis kigelh a, laibu thak khat kibawl khia hi. Tua ahihmanin, M.Th. pen laibu bawlna khat ahimai hi. Huchi hitaleh M.Th. chiang bang GBC ah sinsakna (offer) piazou taleng literature lam ah ikhang ding a, eimi lakah scholar isek khiat ding banah, politics lamah India Eight schedule ding a kisak kholhna hipah tou tou ding ahi. (Eight schedule pen literature a ki tuat/teh ahi hi).

Tua ahihmanin, tuni a GBC ading a napan theih na ompahte anuai ah gensuk laini:

JELSHYAM CHAPEL:
Upa Jelshyam sih nung in a zi leh taten amah theih gige nading in Jelshyam Chapel abawl ua, Upa Phungzathang in Boys hostel ding khat abawlsak a, Azi Pi Chhungi in GBC prayer hall ding hoihtak khat a bawlsak ahi. Mi hausa bang hileng tulela ka duhthusam khat ahihleh, GBC auditorium ding bawlsak ding; ka min phuahkhum/tamsak ding, chih ahi hi. Leitang/Mun leilouh a neihtheihna ahihding banah memorial suang phum dohna hipah ahihmanin, tuabang hih nuamte ading in GBC leitang a kihon lai tak ahi hi. GBC leitang leh a munte abei ma in kipan in.

PATRON MEMBERSHIP:
Patron membership pen GBC ading a na pantheihna khat ahih nawn hi. Patron members hihtheihna tuamtuam anuai abang a om hi.

SCHOLARSHIP DONATION/CONTRIBUTION
GBC sinlaite huhtheihna/panpihtheihna chituamtuam thum in hiai anuaia banga khen ahi.
3.1.GBC sinlaite huh nadia sumkhol: Mimal kua hiam, pawlpi hiam, mi bangzah hiam ki pawlkhawmte’n sinlai huhna dingin sumkhol; a lawm leh vual, zi leh pasal, tanu-tapa leh innkuante min in a neithei ding uhi.
(Scholarship Endowment: Any groups or individuals may create scholarship Endowment for friend, a daughter, a son, a wife, a husband or a family).
3.2.Nasepna dia sumkhol: Khopi sung leh kim leh pamte’n nasepna dingin hunlem bawlsak ahihmanin tuabang nasepna a zat dingin mimal leh pawl tuamtuamte’n a thoh thei uhi.
(Endowment for practical ministry: Churches in and around the town and all over the world offered ample opportunities for practical ministries. Groups and individuals may support for the practical Ministries of students).
3.3. Sinlaite Huhna: Pawl, Committee tuamtuam leh mimal lunglutna neite’n hiai a nuai a zuih ding kipia bangin naupang a huh thei ding uhi.
(Students Sponsorship: Any groups, committee or individuals may support students studying in Grace Bible College on any one of the following conditions).
3.3.1 Sinlai khat hiam a sanga tamzaw kum teng a huh dingin.
(By supporting one or more students on annual basis).
3.3.2 Sinlai khat hiam a sanga tamzaw hiam a sin zohma teng huh dingin.
(By supporting one or more students till the completion of the course).
3.3.3 Sinlai chawm tuam neilou, scholarship scheme a dinga ngap dan thoh in.
(By donating any amount for students’ scholarship scheme)

Day Report 2013