Simtute  tengteng na vek un i Toupa Jesu Christ min in chibai kon buk hi. Kum paisa 2023 in GBC Link hong ki suah thei kei mah leh  tukum a ding a GBC Link tu fall semester 2024 issue suahkhethei nawnta akihih man in Toupa min pahtawi in om hen. 

 

Tukum 2024 March 18 a kipat in GBC in Principal thak Rev. Gin Malsawm toh  Pathian gamnasepna panthei nawn dia a ki om man in Pathian min i phat hi.  Huai banah 41st Commencement Service 2024 leng manpha tak in April ni 4 in Pathian ompih na toh  ki zang zou hi. 

Fall semester 2024 ahih toh kiton in Academic Year 2024-2025 kipan nawnta hi. Pathian vualzawlna tang in tukum in naupang sinthak ding hunkhop tak i Toupan ahon pe nawn a amaute Pathian adia zattak leh muanhuai ahong hih theihna ding un i thumna ah phawk ni.  

Sinsaktu ding nih Old Testament department toh Church History department a hong awng ziak in Principal leh BOG te panlak na in Sinsaktu ding a thak liklek nih ki la hi, amaute Mr. Suanthansang Khuptong leh Mr. T. Suanlianmung hi uhi. 

 

Tuate banah, Board of Governors thak leng piak a i om nawn man in Pathain kiang a kipahthu i gen hi. Term masa a BOG te tung a nakpitak a kipahthu i gen kawmkawm in,  Toupan ahon piak BOG thak memberte thumna a phok in amaute i taklang hi:

 

1. Upa Dr. Lalzagou Neihsial, Chairman

2. Upa Dr. T Vumchinpau, Vice Chairman

3. Rev. Gin Malsawm, Secretary

4. Upa M Darneingam, Member

5. Upa K Vungzamawi, Member

6. Mrs Bliss Haubiakching, Member

7. Upa B Go Lian Mang, Member

8. Pu Thangzamuan Hauzel, Member

9. Upa Dr. T Nengkhanmang, Member

10. Rev. Thawndoulian, Member

11. Rev. Nenglian Vualnam, Member

12. Rev. K Kamchinkhup, Member

13. Upa H Pauthianmuang, Member

14. Upa Siamzading Valte, Member

15. Rev. Paukhanmang Guite, Member

16. Mr S Nengvanglian,Member

 

Buaina tampi kawmkal ah, GBC campus development nasepna leng paitou zel in tuni chiang in Campus sung a om Principal Quarters dia ki bawl le zohsiang ahih toh kiton in Principal leh a inkuan ten luahta uhi. Campus beautification nasepna pai zom zel in GBC main gate lut na kiang a taklam pang a Gari Parking area four-wheeler leh two-wheeler koih na ding le zoh siang hita hi. Pathian vualzawlna GBC in kitang mahmah ahi chih theiha a om man in GBC khantouh na dia pan ana la gige Saptuamte, ngainatute, supporterte leh doners te tung a kipahthu igen hi. Huchih lailai in simtu ten na thumna uah hon na phawk ding in ka hon chial sawn sawn hi. 

 

Tutung GBC Link semester thak ahih toh kiton a suah ding chih gel a om a hun bang tak a suah theih a ahong om tak man in Toupa min phat in om hen. I GBC Link a English leh local dialect a hong ki zang khawm nawn ding hi. Article, testimony leh department chih a report leng ahong ki taklang nawn ding hi.

 

Toupan GBC Link simtu te tengteng hon vual zawl hen aw.