Thumasa:
Khrist’ sisan a tatsa A Saptuamte, GBC a pan i Toupa Jesu Khrist min in itna chibai kon buk hi! Tukum 2024 GBC Day, July 7 muthei dia, i Pathian in hon pi kai nawn ta, Amin phat in om hen!
July 4, 1981, sun dak 11:00 in Board of Directors makaihna in Grace Bible College honkhiakna, Dorcas Hall, New Lamka ah Rev. Lalngaisang in nei hi. Tuni chiang in kum 43 mel muta in, GBC apan Bible zoukhia himhim 2105 pha theita hi. Amaute lak a tamzaw EBC leh mun dang ah Pastor nna sem leh Missionary in kuan uhi. Tulel in membership hihna tuamtuam nei 3740 om hi.
Thumna a i na phawk touh zel ding deihna in saulou in GBC tanchin i taklang ding:
1. Board of Governors:
Tu term 2024-2026 sung a Board of Governors members anuai ate ahi:
- Upa Dr. Lalzagou Neihsial, Chairman 9. Mr. S. Nengvanglian, Member
- Upa Dr. T. Vumchinpau Vice Chairman 10. Mrs. Bliss Haubiakching, Member
- Rev. Gin Malsawm, Principal/Secretary 11. Mr. Thangzamuan Hauzel, Member
- Upa Dr. T. Nengkhanmang, Member 12. Upa Siamzading Valte, Member
- Upa M. Darneingam, Member 13. Rev. K. Kamchinkhup, Ex-Officio
- Upa K. Vungzamawi, Member 14. Rev. V. Nenglian, Ex-Officio
- Upa B. Go Lian Mang, Member 15. Rev. N. Thawndoulian, Ex-Officio
- Rev. Paukhanmang Guite, Member 16. Upa H. Pauthianmuang, Co-opted
2. Faculty & Staff: (Teaching & Non-Teaching)
- Rev. Gin Malsawm, Principal
- Upa H. Pauthianmuang, Vice Principal
- V. Thanggoumang, Co-ordinator MTC cum Warden GBC
- Dr. Niangsangching, Academic Dean
- Khawlbiakching, Editor GBC Link
- Lalbiakmuang, Lady Warden
- Rev. Thangbiakmuang Guite, Dean of Student
- Khupmuanpao Manloon, Chaplain
- Elizabeth Paite, Joint Editor, GBC Link
- Christina N. Goungaihlun, Lecturer
- N. Nianglalven, Lecturer
- Suanthansang Khuptong, Lecturer
- T Suanlianmung, Lecturer
- Upa Chinkhenthang Guite, Registrar & Office Manager
- Florence Vunglianching, Librarian
- Kungbiaklun, Assistant Librarian
- Ginminlian, Clerk
- Harvey K Khatkhanpau, Accountant-cum-Computer Operator
- T. Chinzalian, Office Helper
- Paulianthang, Office Helper
- S. Ginneilal, Driver
- V. Thangchinlun, Hostel Cook
3. GBC Graduates:
Grace Bible College a kipat chil (1981) in eipau in C.Th. leh G.Th. sinna ana kipan hi. Kum 1993 apan in Sappau in Dip. Th & B.Th. sin theihna, leh kum 2000 apan M.Div. sintheihna, Asia Theological Association in phalna honpiak bang in kipan hi. Tuate ban ah kum 1992 apan in Saptuam kem Upa leh lunglutna neite’n asin theih ding un Ministerial Training Course pat ahi. Pathian tung a kipahthu genna ding in achil a kipan April 4, 2024 tan a Course tuamtuam a GBC a zoukhe zah i taklang di.
-
- Certificate of Theology (C.Th) : 81
- Graduate of Theology (G.Th.) : 73
- Diploma of Theology (Dip.Th) : 97
- Bachelor of Theology (B.Th) : 543
- Bachelor of Biblical Studies (BBS) : 03
- Master of Divinity (M.Div) : 482
- 7. Master of Theological Studies (MTS) : 12
- 8. Master of Ministry (M. Min) : 01
- 9. Ministerial Training Course (MTC) : 802
- 10. Training Certificate Awarded : 11
4. Membership:
Tu June 2024 tan a GBC a member suahtheihna tuamtuamte leh, intek leh deihsaktu i neih dan hiai anuai a bang ahi:
1. Special Patron @ Rs. 10,000/- apan atunglam pete : 211
2. Group Patron @ Rs. 5,000/- pete : 131
3. Individual Patron @ Rs. 2,000/- pete : 1530
4. Life Member @ Rs. 1,000/- pete : 822
5. Memorial/Anniv.Gift @ Rs. 500/- pete : 555
6. Annual Member @ Rs. 100/- pete : 73
7. Sintu Naupang Chawmna 500 apan atunglam pia : 418
Total : 3740
5. Sintu Naupang Chawmna:
Sintu Naupang Chawmna toh kisai tuni tan in mi 418 phata mahleh a kipanthak leh a kallak a sunzom thei nawnlou om zel hi. Pawlpi leh mimal a Naupangte huhna pia leng ki-om siausiau ahihman in maban a hong pungtou zel ding a lamet ahi. A na mangngilh kha i om zenzen leh Pathian min a kisa thak ding in i ki chial uhi.
Naupang chawmtu tamsem om in Mission Field te a tuailai piangthakte bang chawm thei zel lehang azoh chiang un amau field chiat ah kiknawn in nna sem ding ua, i Mission nasepna gahsuah mahmah ding hi. Huaiziak in Missions nasepna gahsuah sem na di’a GBC ah abul pattheih ahi hon chisak hi.
6. Infrastructure:
- New Parking: Tukum 2024 in College campus lutna bul, taklampang ah two-wheeler motor 35 koihtheihna ding (34X46 feet) leh four-wheeler motor 9 koihtheihna ding (45X46 feet) parking ding kibawl thak hi.
- Campus Beautification: Main gate apan lampi zul campus modification kibawl in campus sung etlawm sak mahmah hi.
- Renovation: Campus chituamna GBC Chapel leh Gam Siangthou Map te rong kinuhthak hi.
- Staff Quarters: Financial Year 2021-22 apan GBC Campus ah Staff Quarters ding lam kipan mahleh Covid leh Meitei gal ziak a dinkhawl 2024 kumbul in ki sunzom nawnthei hi. Principal quarters ding March 18, 2024 in General Secretary in latna nei in tu in Principal in luahta hi.
7. Library:
Library ah Koha Library Automation Software zat hita hi. Internet facility leng sintu naupangte zattheih ding in kikoih a, update kibawl tou zel hi. Laibu thak ki leibeh zel in tu in total volume 17,897 pha in title 10,290 phata hi. Laibu thakte koihna ding shelf 14 kibawl beh a, stock verification kibawl lellel hi. Mimal leh pawpi bangzah hiam in tukum in laibu thak hon donate ua kipahhuai petmah hi. Kua hiam hon donate nuam a-om leh chiklaipeuh in kipahpih gige ahi.
8. Practical Ministry:
GBC in sintu naupangte classroom ban ah saptuam leh ministry tuamtuam a akizat uh deih in, akizat theihna ding uh gelsak ahi. Tu academic session thak apa’n naupangte kizattheihna ding ministry nihte hiaite ahi:
- Target Area Weekend Ministry (TAWM): Sintu naupang te’n practical a tanchinhoih gen (evangelism), counselling, ministry omzia ban ah midangte toh sepkhawm dan asinkhiak na ding ua gel ahi. Hiai in ahuamkhak ministry-te: evangelism (street ministry), discipleship, children ministry, orphan ministry, rehabilitation centre, leh church ministry ahi. Hiai ah Bachelor of Theology leh Master of Divinity kum nihna sinlelte kihel ding uhi. Student-te report leh akizatna mun ua heutute evaluation-te credit pia in graduate theihna di’a poimoh hi ding hi.
- Supervised Summer Vacation Ministry (SSVM): Hiai ministry in sintu naupangte summer vacation sung a amau omna saptuam leh ministry khatpeuh ah manphatak a akizat uh tupna ahi. Hiai ministry ah Diploma of Theology, Bachelor of Theology leh Master of Divinity te apan kum khatna leh kum nihna zou a summer vacation nei a, college a kiknawn dingte akizang ding uhi. Amaute leh akizatna mun ua Pastor/Saptuam heutute report leh evaluation te credit pia in graduate theihna ding a poimoh ahi ding.
9. Ministerial Training Course (MTC) :
Tualsung Saptuam a Pathian nasepna hatsakna di’a sinsak leh thop ding in eipau in Bible galzilna MTC kinei hi. Sintute adi’n Bible theihna, Inkuan makaihna leh Tualsung Saptuam a kizatna a mahiltu hoihtak ahi. Sintu ding in Pathian nasepna a lunglut, Tualsung Saptuam toh kichimatte a kideihbik hi. Kum 2023 apat in MTC kum 2 sin teitei di’a kigel in practical leng koih ahi. Remchan louhna ziak a kum 2 a zou zouloute a ding in kum 1 behlaptheih ding hi. Hiai MTC sinlai in a huamkhak ahihleh, Thukhunlui leh Thukhunthak theihna vantang, Saptuam thugin, Mission nasepna, counselling, Laisiangthou khiakdan & thugendan ban ah Biakna leh Khristian Inkuan makaihna ding thute ahi. Kumteng in April apat June kha sung in admission bawltheih gige ding hi.
10. Commencement Service:
Tukum GBC Graduation Service April 04, 2024 in kinei hi. Hiai hun ah Master of Divinity- 20; Bachelor of Theology- 14; Diploma in Theology- 5 leh MTC- 67 in zoukhia uhi.
11. Academic Session 2024:
Tu academic session thak ah sintu ding naupang 56 kilakbeh in tulel in sintu naupang 131 kinei hi.
Amaute : M.Div. III - 21; M.Div. II - 18; M.Div. I - 21; B.Th. III - 27; B.Th. II - 15; B.Th. I - 18 ; Dip. Th. II - 4; Dip. Th. I - 7 hi uhi.
Thukhitna:
GBC a seppihte, BOG, Faculty leh Office Staff te’n lungsim munkhat in thanuam, taima leh thazoh tak in sem chiat ua, nasep nuam in lamzang a, hon thathousak mahmah hi. Malam kalsuan zelna ding ah level tuamtuam a i pankhawmnate leh kithuahpihna khut taklam non piak zelte un hon hanthawn in, tha hon guan a, lungmuanhuai mahmah hi. Maban ah thumna toh naksem in panla tou zel ni chiin Toupa min in i kichial hi. Toupa’n thupina tangta hen. Kipak.
Khrist a na seppih uh,
Sd/-
Rev. Gin Malsawm
Principal, Grace Bible College